Resept van Hinderk: Grunopudding

Geplaatst op 11 december 2010  a

Grunopudding n oergrunneger recept uut laankmanstied veur lu dij t nog aan tied hebben veur t koken. Veur dizze pudding hèje t volgende neudeg:

  • 5 aaier
  • 75 gram suker
  • 75 gram bitterkoekies
  • 80 gram botter
  • 75 gram theekoekies (sosjoaltjes)
  • 1 dL. melk
  • 75 gram krinten en rezienen (haalf/haalf)
 

Je goan din as volgt aan loop. Snie bitterkoekies in leutje stukkies. Moal twijbakken en theekoekies fien in n meurzer. Schaaidt 5 aaierdolen van t aaiwit en dou de dolen in n ruierschuddel. Meng d’aaierdolen mit suker en dou de sneden bitterkoekies, vergroesde twijbakken en theekoekies, de veurof goud wossen krinten en rezienen, smolten botter, melk en de marasquin derbie tou. Kwengel t spul mit n holten lepel goud deur nkaander . Dek de schuddel mit inhold goud of en loat t n beste zet (n poar uur) in de waik stoan. Neem hierveur dus rusteg de tied, n uur te laank kin gain kwoad en je huiven as je zukswat koken ducht mie ook nait op tied veur traain op statsion te wezen.

As t din aan tied is, om t aalmoal kloar te moaken veur de kook, goan we eerst aan loop mit t slim stief kloppen van d’aaiwitten. Zukswat nemt veul kracht en tied. Je hebben hierveur n slagkomme neudeg dij hailemoal vrij van vetterij wezen mout. Ik streu der veurtied aaltied wat zolt bie, omreden dat n goie invloud op t rizzeltoat van t omhoog kloppen van aaiwit het.

As dit doan is, din ruiern we t aalmoal luchteg duer de puddingmassa. Nou gaait de haile brud in n ofsloetboare tulbandvörm. Ik bruuk hierveur n povvert-panne dij k veurtied van binnen bebotterd en aansloetend mit paneermeel bestreud heb en dat inclusief binnenkaande van deksel. Povvert-panne wordt nou tou drijkwart vuld, omreden e tiedens t kookperces roemte neudeg het om uut te dijen. Zörg veur n roeme panne mit kokend hait wotter. Dou de povvert- panne mit inhold der votdoalek in. Men nuimt zukswat ook wel au bain marie.

t Kokende wotter mout wel onder de sloeten van povvert-panne blieven, want as e tiedens de kook lekt , nemt pudding wotter op en zakt e in n kaander. Nou mout je der zorg veur droagen dat wotter zachies (tegen de 90 groaden) veur zuk uutkookt en vul t verdampte vocht of en tou aan mit nij kokend hait wotter.

Grunopudding het veur t goar worden om en bie anderhaalf uur neudeg. Stört de pudding bie t opdoun op n veurverwaarmd bord, noa hom wel eerst even zunder deksel indreugen te loaten in n open oven. De pudding trekt din wat van de wand lös en loat zuk din makkeleker keren.

Ik kwam dit Groningse recept tegen op de Facebook-pagina van Henk Scholte. Op de vraag of het ter overname was antwoordde Henk: “Doar heb k zulf gain bezwoar tegen, omreden ik t geern mit aander lu dail”.

Advertenties

11 reacties on “Resept van Hinderk: Grunopudding”

  1. aargh schreef:

    Ha, het Groningse, luxere broertje van plumpudding. Vast lekker. Ik adviseer je wel om niet die ruierschuddel van je plaatjes te gebruiken, maar gewoon nog ’n slagkomme.

  2. Hendrika schreef:

    Lijkt mij ook lekker :~). Ik ken deze koekjesvariant niet.

  3. Roel schreef:

    Zol’t wel aains probairn volgnde waik. (Gronings typen is niet mijn sterkste kant 😛 )

  4. Dondersteen schreef:

    Dor hei ja ’n poffertpanne bie nödig. Dei hek ja nait!

  5. Ettje schreef:

    @Dondersteen:’n Poffertpanne kin’st ien elke goie kookwinkel koop’n.

  6. Gelkinghe schreef:

    @Dondersteen,
    Den koop je d’r toch aine bie De Klomp?:
    http://members.home.nl/de-klomp/index.html

  7. Frans schreef:

    De sosjoaltjes zijn veruit de meest intrigerende ingredient. Daarover vind je met Google niks. Volgens Henk Scholte zijn dat biscuitjes van de koekfabriek Het Anker, van Branbergen uit Musselkanaal, indertijd verkocht onder de bekende merknaam “Bruintje Beer”. Met deze goedkope, voornamelijk uit meel bestaande koekjes wilde je als beter gesitueerde natuurlijk niet betrapt worden. Vandaar de bijnaam “sosjoaltjes”.

    De povvert-panne moet vooral niet verward worden met de poffertjespan. De tulband komt meer in de buurt. Maar hij moet wel afsluitbaar zijn, want hij gaat niet in de oven maar au bain marie. De minder gesitueerden hadden geen oven.

  8. Hinderk schreef:

    n Aander woord veur sosjoaltje is ook wel meelkoekie. In Vrouger doagen stipte d’aarbaiderklasse dat maist aal in n kop thee of kovvie, want dreug bakte dat ja zo aan de beune (gehemelte). Meschain is t aan tied om Bruintje Beer as onvervaalst streekproduct vannijs weer in productie te nemen. t Zol ook goud wezen veur d’imago van Muzzelknoal en omstreken. Nog evenpies n tip: Meelkoekies mout je aaltied goud dreug bewoaren, want ze willen nogal gaauw slof worden.

  9. Hinderk schreef:

    As aanvullen nog n recept as begelaaider bie n plak Grunopudding.
    Waarme Orgeadesaus

    Doar hèje as boases de volgende ingrediënten veur neudeg.: ain pakkie amandelspijs, 2 aaierdolen, 25 gram suker, 5 gram suker, n kwart liter melk en n kwart liter room.
    Ruier de aaierdolen mit suker deur nkaander, verkrummel amandelspijs hail fien en dou dat der din bie tou. Dou Maïzenoa der bie, ruier de kloetjes slicht en gait doarbie, hail trankiel en onder goud ruiern, de kokende melk en room derbie. Loat de saus nou nog even n zetje veur t indikken wat aan de kook.

  10. aargh schreef:

    @Hinderk: Mmmm, luxe sausje hoor, voor bij de sosjoaltjes! Ik denk alleen dat die 5 g suiker 5 g maizena moet zijn. Krap een afgestreken eetlepel.

  11. Wieneke schreef:

    Schiet nou toch eens op, Harry, ga snel aan de gang en nodig ons uit om mee te eten van dat lekkere spul *zit al met lepel in de aanslag*


Mijn gedachten hierbij zijn:

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s